Ostiralean hasiko dira jaiak, 18:00etan, Plaza Zaharrean; herritarrak bertaratzera eta "sanjoanak morez janztera" deitu dituzte.
Iazkoen bidetik, 2018ko sanjoanek ere bi asteburu hartuko dituzte, eta ostiral honetan lehertuko da solstizio berriaren suziri iragarlea. Aurten, Tolosaldeko Asanblada Feministako kideak igoko dira Tolosako udaletxeko balkoira, eta haiek izango dira sanjoanak iragartzearen arduradunak.
Sare sozialetan zabaldu duten mezu baten bitartez, herritarrak txupinazora bertaratzera deitu dituzte, ostiralean, 18:00etan. TOLOSALDEKO ATARIAk asanbladako kideei egindako elkarrizketa argitaratuko du, bihar, interneteko nahiz papereko edizioan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
