Duela lau urte, 2014 urtean, ENBA sindikatuak Gipuzkoako 8 baserrietako ateak zabaltzea erabaki zuen, etxeko ateak zabalduaz, ekoizle eta kontsumitzaileenganako harremana sendotu eta estutu nahian.
Jakien jatorria berraurkitzeko, eta beren ingurune naturalean, mahaian dastatzen ditugun elikagaiak ekoizten dituzten baserritarrak ezagutzeko aukera ezin hobea eskainiko du ekimenak. Uztailaren 6an eta 7an, Gipuzkoa eta Bizkaiko 30 inguru baserritarrek euren baserrietako ateak zabalduko dituzte beren ukuiluak, baratzak eta landa guneak ezagutzera emateko.
"Ongi etorri baserrira ekimena, bertako elikagaien aldeko apustu garbia da, landa guneari balorea emateko, barnekldeko zonaldetako turismoa sustatzeko eta nola ez, gure herri gastronomia goratzeko", esan du Enba sindikatuak.
Familian edo lagunartean egiteko bisitak izango dira. Euskaraz, Asteasuko Bulano baserriko esne behiekin egiten den lana ikusi ahal izango da bertatik bertara eta Bidanian, berriz, Zela Ondo baserriko Lumagorriko oilaskoak ikusi ahal izango dira bertatik bertara. Gainera, saio horretan, Nirea haur tailerra izango da.
Bisitak, 11:00etatik 14:00etara egingo dira eta baserrien eta ibilbideen gaineko informazioa eta izen emateak, www.ongietorribaserrira.eus webgunean egin ahal izango dira. Ekainaren 30a da izen emateko azkeneko eguna eta dohain parte hartu ahal izango da. Informazio gehiagorako 943 65 01 23 telefonora hots egin daiteke.