«Gipuzkoan historia landu eta dibulgatzeko beharra zegoen»

Iñigo Terradillos 2018ko eka. 6a, 12:54

Olatz Etxeberria berastegiarrak eta Jabier Esteban tolosarrak Gipuzkoako Historiaren Sintesia liburua aurkeztuko dute gaur Tolosako Kultur Etxean, 19:00etan. Horrekin batera, Kontzientzien kontrola Tolosaldean XIII-XIX. mendeen artean izenburupean hitzaldia emango dute.

Miguel de Aranburu Gipuzkoako historialarien elkartearen urte askotako lana da liburua, hain justu, elkartea sortu zenetik, 2010. urtetik. Bi historialariek azaldu moduan, laburpen modukoa da liburua, «dibulgatiboa, derrigorrez historian espezializatuta ez dagoen jendeari zuzendua». Azken 40 urteetako historiografiako joera desberdinak biltzen dira liburuan, eta historiaurretik 2016. urtera artekoak kontatzen ditu, aroka zatituta, eta aro bakoitzean, politika, ekonomia, erlijioa, sineskeriak, eguneroko bizitza... jorratuz.

Miguel de Aranburu historialarien elkartearen lana da liburua. Elkartea 2010. urtean sortu zen eta historian lizentziatuak eta historian lan egiten duten pertsonak osatzen dute. Gipuzkoan historia lantzeko eta dibulgatzeko zegoen «hutsunea» ikusita hasi zirela lanean kontatu dute eskualdeko bi historialariek.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!