Gipuzkoako Herriarteko Txapelketan eskualdeko zazpi herrik eta zortzi taldek hartu dute parte; Tolosak eskuz eta gomazko paletan atera zituen taldeak. Kanporaketak aurrea joan ahala, eskualdeko ordezkaritza bakantzen joan da. Eskuz, Asteasu eta Zizurkil bakarrik geratzen dira; gomazko paletan, Tolosa.
Asteasuk ostiralean jokatuko du azpeitiarren aurka, 22:00etan, Azpeitian. Itzulerakoa jokatuko dute etxean asteasuarrek, ekainaren 10eko asteburuan.
Zizurkilek ere ostiralean jokatuko ditu bere partidak, 19:00etan, Ataunen. Hauek ere lehiak joanekoak izango dira.
Gomazko paletan, Tolosak etxean jarraituko du kanporaketa. Larunbatean izango dira norgehiagokak Beotibarren, 19:00etan hasita. Kasu honetan itzulerako lehiak izango dira, joanekoak Zumarragan jokatu baitzituzten tolosarrek, 2-1 irabaziz.
Gomazko paletan Tolosak, eta eskuz Zizurkilek eta Asteasuk asteburuan partidak jokatuko dituzte.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!