Naroa Sagarna ormaiztegiarra izan zen azkarrena, 7,6 kilometroak 29:31ko denboran egin eta gero. Oiana Ortiz tolosarra bigarren postuan sartu zen helmugan, 30:07ko denborarekin. Lourdes Colomo zizurkildarrak 10 segundo gehiago behar izan zituen helmuga gurutzatzeko: 30:17. Nerea Murua altzotarra ere podiumetik gertu geratu zen: laugarren egin zuen (30:39).
Gizonezkoen artean, ez zen eskualdeko atletarik izan podiumean: Xavier Martinez izan zen garaile, eta Raul Gomez eta Iñaki Gericak osatu zuten podiuma. Eskualdeko lehen korrikalaria Aritz Garin zizurkildarra izan zen. Laugarren egin zuen, 25:17ko denborarekin. Brontzezko domina eskuratzetik 17 segundora geratu zen Garin.