Atzo mendizaleek Amezketan zuten hitzordua. IX. Txirrita Mendi Ibilaldia izan zen Oargi Mendi Elkarteak antolatuta. 600dik gora mendizalek parte hartu zuten, eta horietatik gehienek ibilbide luzea egin zuten, 479k gutxi gorabehera, nahiz eta aurten ibilbide motza ere aukeran jarri.
06:00etan atera eta 40 kilometro izan zituzten aurretik. Mendizale guztien ahotan "eguraldi bikaina mendirako" entzuten zen amaiera puntuan. Amezketa herrian, giro bikaina eta umoretsua izan zen. Mendizale gehienek irribarrea ahoan zutela amaitu zuten ibilaldia.
Artubi, Uakorri Beoain, Aldaon, Intzako Dorrea, Ttutturre, Beloki, Putterri, Igaratza, Pardarri, Ganbo, Ganbo Txiki eta Txindoki igaro behar izan zituzten, eta irteera puntuan zuten amaiera zain.
Gainerakoek ibilbide motzean zuten emana izena, eta 22 kilometro egin behar izan zituzten. Kasu honetan, 08:30ean ekin zioten ibilbideari. Minak, Igaratza, Ganbo edota Txindokitik pasata.
Artubiko argazkiak: Ester Mugertza.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!