Larrauldarrak garaile Asteasuren aurkako apustuan

Tolosaldeko Ataria 2018ko mai. 19a, 19:31

Ibon Jauregi eta Asier Diaz larrauldarrek 10 minutu eta 25 segundo behar izan dituzte Asteasuko plazatik Larraulgo plazara bitarteko bidea egiteko. Mattin Sarasola eta Tomas Iraola asteasuarrek, berriz, 21 segundo gehiago.

Larraulgo kirol astearen barruan egin dute gaur bi herrien arteko apustua. Asteasuko udaletxe paretik abiatu eta bikoteka egin behar izan dute Larraulgo plazara bitarteko bidea, bidezidorretik, eta kotxeko gurpil bati bultzaka.

Bidearen hasieran, asteasuarrek hartu dute aurre, baina berehala larrauldarrek abiada hartu eta erraz egin dute gorako bidea.

Jauregi eta Diaz larrauldarrek 10 minutu eta 25 segundo behar izan dituzte lanak betetzeko eta 10 minutu eta 46 segundo, berriz, Sarasola eta Iraola asteasuarrek. Umore onean bukatu dute saioa, eta San Pedro festetarako errebantxa egin edo ez pentsatuko dute aipatu dute asteasuarrek.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!