#Kontaezazu: Eraso matxisten errelato kolektiboa

Tolosaldeko Ataria 2018ko mai. 4a, 17:22

La Manada kasuaren epaiaren harira, inoiz bizi izandako eraso matxistak kontatzeari ekin diote hainbat emakumek, sare sozialetan; eskualdeko testigantzak ikusarazi nahi ditu TOLOSALDEKO ATARIAk.

Epaimahaiaren erabakia publiko egin aurretik ere pil-pilean zegoen giroa, La Manada kasua zela-eta. Epaia iragartzeak, ordea, haserrea eta amorrua piztu du gizartean eta, Espainian #cuentalo traolarekin egin bezala, Twitter euskaldunak ere ekin dio eraso matxisten errutina ikusarazteari, #kontaezazu traolarekin.

Hainbat eta hainbat emakume beren bizipenak kontatzen ari dira traola horren pean, errealitatea agerian utziz: emakume guztiek jasan dutela, gutxienez, halako jazarpen egoera bat.

Ekimenaren helburuarekin bat eginez eta, eraso matxistak, oraindik ere, errutina bat direla ikusarazteko, TOLOSALDEKO ATARIAk eskualdera ekarri nahi du #kontaezazu egitasmoa. Horrela, eraso matxisten errelato kolektibo hori elikatu nahi duten emakumeek #kontaezazu traola baliatu dezakete, batetik, Twitterren, edo ataria@ataria.eus helbidera mezua idatzi bestela.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!