Buruz Buruko Txapelketarako final-laurdenetarako sailkatu da Jokin Altuna. Hasieratik aurreratu da markagailuan, 7-0, eta errenta horri eutsi dio neurketa osoan zehar. 3-10, 6-14, 8-16, 10-18, 20-12 eta 22-12.
Retegik partidaren erditik aurrera gora egin du eta asko gogortu da lehia, baina eratsundarra ez da aldea murrizteko gai izan. Pilotakada askoko tanto ikusgarriak eskaini dituzte pilotariek, baina Retegik Altunak baino akats gehiago egin ditu. Altunak adierazi du bereziki landu duela sakearen errematea, eta "konfiantza" indartu duela ezker airean.
Final-laurdenetan, Mikel Urrutikoetxea izango du aurkari. Maiatzaren 1ean jokatuko dute, Donostiako Atano III.a pilotalekuan.
Jakak ezin
Erik Jakak berriz ezin izan du Ezkurdiaren aurka. Ostiral iluntzean jokatu zuen lizartzarrak, 22-15 galdu zuen binakako txapelketa irabazi berri duen pilotariaren aurka.