Zergatik aukeratu zenuen Lanbide Heziketako ikasketak egitea?
Lan mundura sartzeko modurik gomendagarriena delako. Gainera lanean zaudenean Lanbide Heziketako zikloan ikasi duzuna praktikan jar dezakezu eta ezaguera horiek lan mundura eraman.
Zaila egiten zaizu DUAL prestakuntza? Zer ikasi duzu enpresan?
Nire kasuan DUAL formakuntza oso esperientzia aberasgarria izan da, enpresan lan egitearekin lortzen dituzun ardurak eta garapenak pertsona bezala heldutasuna eskuratzen lagundu didalako. DUAL prestakuntza gogorra egiten da baina eramangarria da, etorkizunera begira egiten ari zaren esfortzua baliagarri zaizulako. Enpresan produkzio arloko betebehar asko ikasi ditut, gehien bat ontziratze prozesuari eta makinen mantenuari buruz.
Zer esango zenuke Lanbide Heziketari buruz?
Lanbide Heziketan izan dudan esperientzia ona izan da, enpresan lanean, eskolan jasotako ezagutza praktikan jarri dudalako.
Gustura zaude egindako aukerarekin eta lortu duzunarekin?
Bai gustura nago eta nahiko pozik nago jaso ditudan ezaguerengatik, baina batez ere enpresan izandako esperientziagatik, ziur nagoelako etorkizunean lagunduko didala.