Iruñean egindako manifestazio jendetsuenetariko bat izan da Altsasuko gazteen aldekoa. Antolatzaileen arabera, 50.000 pertsonatik gora elkartu dira, Altsasuko auzipetuentzako justizia eskatzeko.
Adur Ramirez de Alda, Jokin Unamuno eta Oihan Arnanzek 516 bete dituzte gaur espetxean, eta astelehenean hasiko da, Madrilen, haien eta beste bost gazteren aurkako epaiketa, 2016ko urrian taberna batean bi guardia zibilekin izandako liskarrengatik.
Fiskalak 50 urteko espetxe zigorra eskatu du sei auzipeturentzat; 62 urte eta erdikoa eskatu du zazpigarrenarentzat, eta 12 urte eta erdikoa zortzigarrenarentzat. Terrorismo delitua egozten diete.
Altsasuko gazteen aurkako bidegabekeria salatzeko protestarekin bat egin dutenak milaka izan dira; 50.000tik gora antolatzaileen arabera: "Inoizko manifestaziorik jendetsuena". Hortik manifestazio buruak kaleetan zehar igarotzeko izan dituen lanak. Adibide bat jartzearren, aurrekoak autobus geltoki zaharraren parean zeudenean abiatu dira azken manifestariak Golemen paretik, ordu bat baino gehiago zain egon ostean.
Tolosaldetik ere jende ugari bertaratu da. Ikaztegietan, esaterako, Gazte Egunean parte hartu duten herritarrek elkartasun argazkia atera dute. Sare sozialetan ere eskatu dute justizia.
Argi eta ozen #AltsasukoakAskatu pic.twitter.com/3XFAxJpch6
— Eneko Maioz (@emaioz) 2018(e)ko apirilak 14
Manifa burua Gaztelu Plazara iristear txalaparta doinuen laguntzarekin #AltsasukoakAske #EzDaPosible pic.twitter.com/3QA8e3lYxk
— ELAOriaGoierri (@ELAOriaGoierri) 2018(e)ko apirilak 14
Olatu izugarria! Milaka eta milaka lagun Iruñean! @AhotsaInfo #justizia #AltsasukoakAske pic.twitter.com/9FTLG5as0c
— Mikel Arreseigor (@MikelArreseigor) 2018(e)ko apirilak 14
Herriaren ohiua #Altsasukoakaske pic.twitter.com/Z7OnnE9BCk
— askatasun taupadak (@aurrerabolie) 2018(e)ko apirilak 14