ELA, LAB, ESK, STEE-EILAS, CNT, EHNE, HIRU, Etxalde, Gure Esku Dago eta EH Bilduk mobilizazioak antolatu dituzte bihar Hego Euskal Herriko udaletxeen aurrean, eguerdian. Tolosaldean ere deialdia zabaldu dute, "Espainiako Auzitegi Gorenak Kataluniako hainbat ordezkari politiko independentista espetxeratzeko agindua eman ondoren".
Deialdia luzatu duten eragileen esanetan, "Kataluniako herriak bizi duen salbuespeneko egoera eta Estatu espainiarraren demokrazia falta eta inboluzio demokratikoa salatzeko deitu dituzte elkarretaratzeak". Era horretara, "Kataluniako herriari elkartasuna agertzeko deia egin diete eragile deitzaileek euskal herritarrei".