Promozio Mailako Binakako Txapelketa amaitu da Jon Ander Peña eta Jon Erasunentzat. 22-18 galdu zuten atzo Etxeberria eta Jaunarenaren aurka, Beasainen.
Binakako Txapelketaren finalerdietako ligaxkaren azken partida jokatu zuten atzo tolosarrak eta zizurkildarrak. Finalean egoteko irabazi beharreko partida zuten, baina Etxeberria eta Jaunarena gehiago izan ziren.
Ligaxkako hiru partidak jokatu ondoren, hirugarren postuan geratu dira Peña II-Erasun. Finala, Agirre-Iturriagak eta Etxeberria-Jaunarenak jokatuko dute, apirilaren 1ean.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!