M8 Emakumeen Nazioarteko Eguna 2018

Aldarrikapenak, nonahi

Euskal Herriko mugimendu feministak martxoaren 8an “planto” egitera deitu ditu emakumeak. Orotara 1.609.809 emakume daude greba egitera deituta, Gaindegiak emandako datuen arabera.

Lau arlotan zentratuko da greba, baita aldarrikapen nagusiak ere: lan greba, zaintza greba, ikasle greba eta kontsumo greba. Itziar Gandarias mugimendu feministaren ordezkariak esan du goizean goizetik emakumeak modu masiboan ari direla deialdiari erantzuten. "Oso pozik gaude, uste dugulako egun hau inflexio puntu bat izango dela. Gaur mundua geldituko dugu, bihar ezingo da beste alde batera begiratu", adierazi du hedabideen aurrean.

Eskualdeko herrietan mobilizazio ugari antolatu dituzte, eta goizetik aldarrikapenak ikus daitezke herri askotan, baita sare sozialetan ere:

 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!