Nazioarteko emakumeon greba deialdiaren aurrean, langile batzarra baliatu dugu TOLOSALDEKO ATARIAn, grebara nola batu erabakitzeko. Gaur egun, lan taldeko %35 osatzen dugu emakumeok, egun osoko greba egitea erabaki dugu: Emakumeok Planto!-rekin bat egin, eta lanuzte hori gure irakurleei ikusaraztea da gure helburua.
Kazetari, koordinatzaile eta aldizkariko arduradun postuei eragingo die gure plantoak, eta ATARIAko erredakzioko eguneroko erritmoari zuzen-zuzenean eragingo dio. Langile batzarrean deialdi feministara batzeko hainbat bide jarri genituen mahai gainean eta, gure ordutegi eta lan-baldintzak aztertu eta gero, egun osoko greba aktiboaren aldeko hautua egin dugu.
Horrela, TOLOSALDEKO ATARIAko gizonezkoen ardura izango da, besteak beste, martxoaren 8ko grebak Tolosaldean ematen duenaren berri ematea.