Tolosako eta Ibarrako Iturriza, Harizpe, Beti-Gazteak, Duintasuna eta Bizi-Nahi erretirodun eta pentsiodunen elkarteek bat egingo dute, datorren otsailaren 22an, AGIJUPENS Gipuzkoako Jubilatuen eta Pentsiodunen Elkarteak deitutako elkarretaratzearekin.
Elkarretaratzea autobus geltoki zaharrean izango da, Amara auzoan. Horrela, Tolosatik haraino bertaratzeko autobusak antolatu dituzte, 10:30ean, San Frantzisko elizaren aurrean. Izen-ematea hilaren 21ean amaituko da, eta Harizperen, Iturrizaren, Beti Gazteak-en eta Bizi Nahiren egoitzetan egin ahal izango da. Bidaia doakoa izango da.
Bestak beste, hiru eskaera nagusi plazaratzera bertaratuko dira. Batetik, pentsioen igoera duinak nahi dituzte, eta murrizketak salatu; bestalde, 1.080 euroko gutxieneko pentsioa ere eskatu nahi dute eta, azkenik, Pentsio eta Gizarte Segurantza sistema propio bat galdegingo dute.