Lehertu da festa Tolosan, eta inauteriekin bat eginez ikastetxeetan ere mozorroak prestatu dituzte. Anoetako Herri Ikastolan atzo iluntzean egin zuten inauterietako jaialdia, eta Tolosako Laskorain ikastolan eta Samaniego zein Herrikide ikastetxeetan, Ibarrako Uzturpe ikastolan eta Albizturko Eskolan gaur mozorrotu dira.
Azken asteetan ibili dira ikasleak, mozorroak prestatzen eta dantzak egin eta gero, txistorra pintxoak dastatzeko aukera ere izan dute. Ez dira horiek jaia egin duten ikastetxe bakarrak dena den, herri askotan egin baitituzte. Villabonako ikastetxeetako ikasleak, arratsaldean bildu dira Olaederra frontoian jaialdia egiteko.
Eskola batzuetan biharko utzi dute jaialdia, Aduna, Alkizan, Asteasun eta Zizurkilen esaterako.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
