Zizurkilen ere Pedro Mari Otaño ikastetxekoak izaten dira kaldereroen konpartsa antolatzen dutenak, baina aurten bertan behera utzi dute eguraldia dela eta.
Tolosara bihar iritsiko dira ijitoak eta jada batek baino gehiagok hasi duen atzera kontaketa bizkortuko dute. 10:30ean aterako dira erraldoi eta buruhandien konpartsa dultzaineroen laguntzarekin, Plaza Zaharretik, eta 12:00etan aterako da Aiz-Orratz txaranga. Haur jaialdia ere bihar izango da, 12:30ean Leidorren eta 19:00etan hasiko da Urdiña Txiki elkarteak antolatzen duen Kaldereroen Konpartsa. 23:30ean irtengo da Incansables txaranga.