Larunbatean Legazpiko Latxartegi Aretoan jokatu zen txapelketa, eta Oinkariko 13 dantzarik hartu zuten parte.
VI. Gazteen Soinu Zahar txapelketako lehen kanporaketan, Amaia Aizpurua zizurkildarra izan zen garaile, Naroa Otxoa eta Ane Arrizabalagaren aurretik. Horrez gain, Naroa Legarra, Maren Goya, Iraia Cambra, Leire Arratibel, Aiara Altuna, Alaia Santano, Naiet Jauregi eta Irati Madera billabonatarrek, eta Maria Ansa anoetarrak dantzatu zuten. Legazpiko Goiz Deia Txistulari taldeak jotako Ehun Dukat eta Zortzikoa abestiekin batera dantzatu zuten.
24. Gipuzkoako Haurren Aurresku Ligan, berriz, mutilen artean Aritz Maiza alegiarrak erakustaldia eman eta onena izan zen. Andoni Zumeta larrauldarrak, berriz, hirugarren egin zuen. Joanes Zubia ibartarrak ere hartu zuen parte txapelketa honetan. Desafioa-Aurkez Aurkez eta Txakolin abestiekin dantzatu zuten dantzari guztiek.
Igandean, bigarren kanporaketa jokatuko da Amasa-Villabonako Gurea Antzokian, 11:00etatik aurrera, Oinkari Dantza Taldeak antolatuta.