Aurten Elkarrekin aurrera egiteko prest gaude lelopean antolatu du Sarek manifestazioa Bilbon, euskal presoen eskubideen alde. Sarek Bilboko kaleak mobilizazio gune bilakatzea nahi du, "bake eta ebazpenaren alde egiten duen gizartearen islada" izan dadin eta gizartea "gatazkaren konponbidearen eragile" bilakatu dadin. 17:30ean hasiko da manifestazioa, Casillatik. «Milaka pertsona elkartu dituen leloa da, eta guztiok helburu baten inguruan elkartu gara: giza eskubideak, konponbidea eta bakea», esan du Sarek aste honetan.