ataria.eus

Altuna III.a bikain, eta Peña eta Erasun ere bai

  kirola  Amezketa  Tolosa  Tolosaldea  Zizurkil

Binakako txapelketetan ari dira eskualdeko hiru pilotariak, puntuak batu eta batu

Altuna III.a bikain, eta Peña eta Erasun ere bai
Argazkia: larioja.com | Ikusi handiago | Argazki originala

Txapela irabazi eta aparretan jarraitzen du Jokin Altuna amezketarrak. Azken jardunaldian ere garaipena eskuratu zuen Julen Marijarekin batera, Irribarria eta Merinori 22-19 irabazita. Horrela, sailkapeneko lehen postuan dago bikote gaztea, aldeko 25 puntu eskuratuta.

Partida gogorra jokatu zuten Irribarria-Merino bikotearen aurka, Tolosako Beotibarren. Ia 80 minutuko norgehiagoka osatu zuten lau pilotariek eta, guztira, 618 pilotakadarekin iritsi zen markagailua, 22ra.

Azpimarratzekoak izan ziren Jokin Altunaren erremateak, eta baita Julen Martijaren segurtasuna ere, ia pilotarik galdu gabe.

Honakoa izan zen markagailuaren dantza, norgehiagokan: 0-3/1-3/1-4/2-4/2-6/4-6/4-8/8-8/8-9/10-9/10-10/12-10/12-13/19-13/19-15/20-15/20-16/21-16/21-19 eta 22-19.

Zazpigarren jardunaldia jokatuta, binakako txapelketa iritsi da erdi aldera.

Peña eta Erasunek, hasiera ezin hobea

Egun eta leku berean ekin zioten, promozio mailako binakako txapelketari, Jon Ander Peñak eta Jon Erasunek.

Promozio mailako binakako txapelketako lehen partida jokatu zuten, Beotibarren, urtarrilaren 5ean, eta 22-15eko emaitzarekin lehen puntua eskuratu dute eskualdeko pilotariek, Bakaikoaren eta Etchegoienen aurka.

Peñak eta Erasunek ez zuten norgehiagoka nahi bezala hasi, baina hamabi tanto egin zituzten jarraian, markagailuan aurretik jartzeko. Gainera, Etchegoinek zaintiratua egin zuen, eta bere mailan aritzea egoki zion horrek.

Ordubeteko partida osatu zuten bi bikoteek, eta 490 pilotakada behar izan zituzten jokoa amaitzeko. Markagailuak honako bidea egin zuen: 0-3/1-3/1-4/4-4/4-5/5-5/8-5/8-8/10-8/10-9/14-9/14-10/15-10 eta 22-15.

Lehen partida jokatuta, Peña-Erasun bikotea hirugarren postua da, momentuz, zazpi punturekin. Hasierako fasean bikote guztiek bikote guztien aurka jokatu beharko dute ligaxka eta, hurrengo fasera pasatuko dira lehen lau bikoteak, finalerdietako ligaxkara. Finala apirilaren 1ean izango da.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa