Aurrera doa kluben arteko pilota txapelketa, eta eskualdeko pilotariak bikain ari dira. Asteburuan, Zazpi Iturrik hurrengo fasera pasatzea lortu du, Markinaren aurka 0-3 irabazi eta gero. Horrela, urtarrilaren 20an ariko dira, Erreka taldearen aurka, final-laurdenetan.
Lau t´erdian 18-8 irabazi zion Zubiriak Zugadiri. Buruz buru, berriz, Egiguren gailendu zitzaion Arrizabalagari, 18 eta 11. Azkenik, binaka, Labaka-Aizpuru bikoteak 22-13 irabazi zion Labaka-Pujana bikoteari.
Bestalde, Aurrera-Tolosa ere final-laurdenetan murgilduko da lehian. Hernaniren aurka jokatuko du, igandean, 17:30ean Idiazabalgo pilotalekuan.