Euskalmet agentziaren arabera, etengabeko prezipitazio indartsuak espero dira biharko, iparraldeko haize fronte batek eraginda. Hori dela eta, Gipuzkoa osorako alerta laranja ezarri du Segurtasun Sailak. 24 orduko epean, metro karratuko 80 litro ur pilatu daitezkeela ohartarazi du. Igande arratsalderako eguraldiak hobera egitea aurreikusi du Euskalmetek.
Bitarte horretan, "segurtasunez" jokatzeko deia zabaldu du Eusko Jaurlaritzako Larrialdietako Arreta Zuzendaritzak. Hainbat gomendio luzatu dituzte:
- Ez utzi autorik eremu lehorretan, ezta ibai ertzeetan ere.
- Autoak erretiratu baltsak sor daitezkeen lekuetatik, hala nola, inundatzeko arriskua duten garajeetatik.
- Ekidin garaiera handiko eremuetako errepideak.
- Aukera izanez gero, erabili errepide nagusiak eta autobideak. Ikusgarritasun arazoak izanez gero, utzi autoa leku seguru batean.
- Mendi irteerak eta kanpaldiak ekidin.
- Edozein larrialdiren aurrean, deitu 112ra.