Jokin Altunak atzo jokatu zuen Binakako Txapelketako zazpigarren jardunaldiko partida: sailkapen nagusiko lehenak azkenekoen aurka. Eta horrelakoetan sarri gertatzen den bezala, behar handiena zutenak suertatu ziren irabazle: 22-16 Bengoetxea VI.a eta Larunberentzat.
Altuna III.a eta Martija ondo hasi ziren, eta 10-15 jartzea ere lortu zuten. Baina hortik aurrera, Mikel Larunberen nagusitasunak partida eta markagailua irauli zuen.
378 pilotakadako partida izan zen, 55 minutuko iraupenarekin. Altuna III.ak sei tanto egin zituen, eta bost galdu. Bengoetxea VI.ak zortzi tanto egin zituen, eta sei galdu. Datu harrigarria Larunberena da, atzelariak zazpi tanto lortu baitzituen. Horrez gain, bi pilota besterik ez zituen galdu.
Txapelketako hurrengo partida Tolosan jokatuko du Jokin Altunak, Martija lagun, Irribarria eta Merino II.aren aurka. Lehia ostiralean izango da. Pilota aukeraketa, berriz, asteazkenean 16:30ean.
Binakako txapelketa
Sailkapena: Final-laurdenak, ligaxka
1. Altuna III-Martija 4-2 2. Elezkano II-Rezusta 4-2
3. Urrutikoetxea-Galarza 4-2
4. Olaizola II-Imaz 4-2
5. Victor-Albisu 2-4
6. Bengoetxea VI-Larunbe 2-4
7. Irribarria-Merino II 2-4
8. Ezkurdia-Zabaleta 2-4
7. jardunaldia
Urtarrilak 5, ostirala, Tolosako Beotibar pilotalekuan, 17:00etan
Irribarria-Merino II eta Altuna III-Martija