Gaur, abenduak 28, Inuzenteen Eguna baliatuta Tolosaldeko Ataria-k marketin kanpaina bat egin du. Ataria hil dela irudikatu du egia ez izan arren. Datu errealak baliatu ditu kanpaina osatu eta harpidetza digitala bultzatzeko, kontsumitzaile digitalak aktibatu nahian.
Eskerrak kanpaina hau aurrera ateratzen lagundu eta parte hartu duzuen guztioi. Berastegiko eta Tolosako antzerki taldeei, Udaberri dantza taldeko musikari eta partaideei, kolaboratzaileei, harpide eta ingurukoei.
Baita diruz laguntzen duzuen Atarikide, 28 udal eta gainerako erakunde guztiei.
Ikusi hemen agur ekitaldi hunkigarriko argazki galeria, eta #AgurAtaria kanpainak eman duena.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!