Sagardoaren Lurraldeak antolatuta, II. Sagardo Forum jardunaldiak egin zituzten azaroaren 24tik 27ra; sagarra, sagarraren eratorriei eta sagardoaren kultura eta turismoari buruzko jardunaldiak dira.
Jardunaldien barruan, Nazioarteko Sagardo Lehiaketa egin zuten eta mundu osoko dastatzaileek bederatzi kategoriatan sailkatutako sagardo mota ezberdinak dastatu zituzten. Euskal Herrian ekoiztutako sagardoen barruan, urrezko domina lortu zuen Asteasuko Sarasola sagardotegiak. Adunako Aburuza eta Zabala sagardotegiek zilarra lortu zuten, eta Tolosako Isastegi eta Ikaztegietako Begiristainek bi lote aurkeztu zituzten; zilarrezko eta brontzezko domina bana lortu zituzten bi sagardotegiek.