Lehen Mailako Binakako Txapelketa jokatuko duten 16 pilotarien izenak eman dituzte gaur bi enpresek. Asegarce-k azken hiru urteetan partaide izan den Iñaki Artola txapelketatik kanpo utzi du.
Ostiralean hasiko da binakako txapelketa. Apirilaren 8an jokatuko da finala. Lehen fasean zortzi bikotek elkarren aurka jokatuko dute. Horietatik lau onenak finalerdietako ligaxkara sailkatuko dira. Hortik aterako dira bi finalistak.
Hauek dira txapelketako zortzi bikoteak: Bengoetxea VI-Larunbe; Olaizola II-Imaz; Urrutikoetxea-Ladis Galarza; Irribarria-Merino II; Victor-Albisu; Elezkano II-Rezusta; Altuna III-Martija eta Ezkurdia-Zabaleta.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!