Emakume raketista ohiak omenduko dituzte larunbatean

Tolosaldeko Ataria 2017ko aza. 16a, 11:50

Rosa Soroa eta Izaskun Ayestaran raketista ohiei omenaldia egingo diete Ibarrako eta Elduaingo udalek. Tolosako Beotibar pilotalekuan izango da larunbatean, 19:00etatik aurrera.

Kiniela modalitatean jolastuko dute lehenengo: Larrarte, Galdos, Irazustabarrena, Muneta Mendizabal eta Saez raketistak arituko dira.

Ondoren, omenaldia egingo diete Rosa Soroa eta Izaskun Ayestarani. Azkenik, Irazustabarrenak eta Saezek jokatuko dute Muneta eta Mendizabalen aurka. Fronton tabernan raketisten erakusketa ere egongo da.

Zesta punta topaketa Beotibarren

Bestalde, larunbatean, Euskal Herriko zesta puntako nesken topaketa izango da, 11:00etan, Beotibarren. Beotibarreko hiru pilotari izango dira bertan: Aroa Goenagak, Izaro Cuerdok eta Maddi Jauregik.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!