Jokin Altunak eta Iñaki Artolak igandean jokatuko dute elkarren aurka, Eibarko Astelena pilotalekuan, 17:00etan hasiko den jaialdian. Lau t'erdiko partida izango da, final-laurdenetako ligaxkari dagokion bigarren jardunaldikoa. Lehen jardunaldia asteburuan jokatu zen, eta biek galdu egin zuten. Amezketarrak Urrutikoetxearen aurka jokatu zuen Lekunberrin, igandean, eta iazko partidaren antza izan zuen Altuna III.aren txapelketako lehen partidak. 22-12 nagusitu zen bizkaitarra.
Artolak Altsasun jokatu zuen ostiralean, Ezkurdiaren aurka. 22-14 galdu zuen alegiarrak, nahiz eta partida txarra ez jokatu. B multzoko bi galtzaileek elkarren aurka jokatuko dute igandean, eta puntu erabakigarria egon daiteke jokoan.
Promozio Txapelketan, Jon Ander Peñak Bartzelonan jokatu zuen larunbatean. Agirre 22-17 nagusitu zitzaion tolosarrari. Final-laurdenetako bigarren partida igandean jokatuko du Peña II.ak. Tolosarraren partida izango da Eibarko jaialdiari hasiera emango diona, eta bere aurkaria Ugalde izango da. Honek, ligaxkako lehen partida Elordiren aurka jokatu eta galdu zuen. Ondorioz, kasu honetan ere, lehen jardunaldiko bi galtzaileak elkarren aurka ariko dira.
LAU T'ERDIKO TXAPELKETA
Lehen maila
Ligaxkako lehen jardunaldia
Ezkurdia 22
Artola 14
Urrutikoetxea 22
Altuna III 12
Hurrengo jardunaldia
Altuna III
Artola
Promozio txapelketa
Ligaxkako lehen jardunaldia
Agirre 22
Peña II 17
Hurrengo jardunaldia
Ugalde
Peña II