Gipuzkoako Minbiziaren Aurkako Elkarteak eta Aiztondoko udalek elkartuta antolatu dute gaurko eguna. Herrietatik abiatu diren ibilaldiek bat egin dute Zizurkilen eta ondoren Villabonan, Zarauzko herriari pasa zaio testigua, 2018ko martxan ekimena antolatu dezan.
Goizean Pedro Mari Otaño ikastetxean 8 urtetik gorako umeentzat kirol ekintzak izan dira.
Larraul, Asteasu, Alkiza, Zizurkil Gora eta Adunatik abiatu diren ibilaldiek bat egin dute Joxe Arregi plazan eta handik buruhandi eta erraldoiek lagunduta Villabonako Errebote plazarako bidea egin dute kalejiran. Han jaso du testigua Zarauzko herriak.
Ekitaldiaren ostean, zumba saioa izan da plazan eta spinning saioa Olaederran. Gainera, Topic-ek txotxongilo tailerra eskaini die bertaratu diren umeei.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!