Partida, igandean jokatuko da, Logroñoko Adarraga pilotalekuan. Lizartzarrak bezala, Iñaki Artola alegiarrak ere final zortzirenetakoa jokatuko du. Kasu honetan, astelehenean, Tolosako Beotibar pilotalekuan Lasoren aurka. Bata zein bestea B multzoan kokatu dituzte. Final zortzirenak gaindituz gero, final laurdenetako ligaxkan sartuko lirateke. Hor, Jokin Altuna eta Urrutikoetxea izango dituzte zain.
Amezketarra iaz finalean izan zen. Aurten, final laurdenetan hasiko du txapelketa. Hiru partida jokatu beharko ditu Altuna III.ak finalerdietarako jauzia emateko. Multzo bakoitzetik bi lehen sailkatuak pasako dira finalaren atarira.
Txapelketa aurkezpenean ezusteko bakarra izan da: Irribarriaren hutsunea. Lesio batengatik ez du lau t’erdiko txapelketan parte hartuko aramarrak. Bere ordezkoa Mendizabal III.a izango da.