Aurreko larunbatean Seguran ospatu zen Bertso Eskolen EGunean aurkeztu zuten Bertsotruk ekimenaren hirugarren edizioa.
Helduen bertso eskolen arteko harremanak sustatu asmoz 2015ean antolatu zuen lehen aldiz Euskal Herriko Helduen Bertso Eskolen Batzordeak. Emaitzarekin gustura eta bertso eskolen arteko harremana sendotzeko bidean aurrera eginez, hirugarren aldia izango da egiten dutena.
Euskal Herri osoko 21 taldek eman dute izena eta horiekin zortzi multzo egin dira. Harituzeko kideei, Gasteiz eta Debagoienarekin batera aritzea egokitu zaie. Multzo bakoitzeko bertso eskoletako bakoitzak bere taldeko bertso eskola hartuko du etxean eta elkarrekin zehaztuko dute saioaren hitzordua eta formatua. Xenplar Dokumentazio Zentroaren BDB atarian eta Bertsoa.eus webgunean emango dute bertso eskolek agendaren eta saioen inguruko informazioa.
Bertso Eskolen Eguna tarteko, bertso eskolek abagune ederra izan zuten larunbatean, Seguran, denak bildu eta Bertsotruk egitasmoa aurkezteko. 21 taldek eman dute izena eta horiekin zortzi multzo egin dira. Multzo horietako bertso eskoletako bakoitzak bere taldeko bertso eskola hartuko du etxean eta elkarrekin zehaztuko dute saioaren hitzordua eta formatua.