MIKEL ARTOLA
BERTSOLARIA
(Alegia, 1989). Alegiako Zazpi Astoren Gainean bertso eskolan hasi zen bertsolaritzarekin zaletzen, gero Gasteizen aritu zen eta gaur egun Harituz Tolosaldeko bertsozaleen elkargunean ari da. Gipuzkoako Bertsozale Elkartean aritzen da lanean. Lehen aldia du Txapelketa Nagusian.
BEÑAT IGUARAN
BERTSOLARIA
(Amasa-Villabona, 1988). Txikitatik datorkio bertsozaletasuna eta hainbat sariketetan parte hartu izan du: Osinalde, Plazatik Gaztetxera, Lizardi, Erniarraitz... Gaur egun Lasarteko eta Tolosaldeko bertso eskolan ari da. Lehenengo aldiz parte hartuko du Bertsolari Txapelketa Nagusian.
OIHANA IGUARAN
BERTSOLARIA
(Amasa-Villabona, 1991). 10 urterekin ikastetxean lehen bertsolaritza eskola jaso zuenetik hurbildu zen bertso eskolara eta bertan segitzen du. Harituz Bertsozale Taldeko kidea da. 2015eko Gipuzkoako Bertsolari Txapelketako finalean aritu zen. Lehenengoz parte hartuko du Txapelketa Nagusian.
AITOR MENDILUZE
BERTSOLARIA
(Andoain, 1975). Eskolan izan zuen lehen harremana bertsoekin. Hernaniko bertso eskolan aritu da, baita Andoaingoan ere. Gaur egun, Iruran bizi da. 1995ean eta 2007an Gipuzkoako Bertsolari Txapelketa irabazi zuen. Seigarren parte hartzea du Txapelketa Nagusian eta lautan iritsi da finalera.
