Orendaingo Larreta baserriko, eta aurrez aipatutako enpresako kide den Leire Lizeagak zuzendu du 5 eta 12 urte bitarteko haurrentzat zuzendutako tailerra. Bere esanetan, "enpresan egiten duten lana kaleratzeko aukera da, eta zenbait azokatan egoten gara urtean zehar". Gaurkoa, Tolosako Azokak bultzatutako egitasmoa izan da, haurrek esnekien mundua beste begi batzuekin ezagutzeko, eta baita euren kasa, produktuekin jolasteko ere. Orendaingo baserriko zenbait argazki ere ikus daitezke bertan.
Tolosako Azokak bultzatuta, esnekien inguruko tailerra antolatu dute, goizean, Trianguloa plazan. Bertan, Orendaingo Larreta esnekiak enpresako kideak izan dira, haurrekin batera, jogurt naturalei ukitu berezia ematen.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!