Iristen ari da haur sahararrak agurtzeko eguna. Tolosaldea Sahararekin elkarteak antolatuta, agur festa antolatu dute hilaren 18an, hurrengo ostiralean, Tolosan.
Saharako 200 haur inguru etorri ziren ekainean Tolosaldera, eta bi hilabeteren ondoren, beren herrialdera itzultzeko garaia iristen ari zaie. Festa eguna antolatu dute behar bezala agurtzeko, eta jolasak, ekitaldi politikoa eta afari herrikoia egingo dituzte, besteak beste, hurrengo ostiralean, Zerkausian.
Honakoa da egitaraua:
17:00. Jolasak
19:00. Ekitaldi politikoa, Fronte Polisarioko ordezkaritzarekin eta Tolosaldeko udaletako ordezkariekin. Ondoren, manifestazioa eta kalejira.
21:00. Afaria
22:30: Kontzertua: Gdeim Izik musika saharar taldea
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!