Hainbat kultur eragilek bat egingo dute Zaraten Bedaio eta Azkarate elkartzeko asmoz. Ostegunean egingo dute egitasmoaren aurkezpen ekitaldia, 19:00etan. Bertan, Iñigo Gorostarzu eta Julio Soto bertsolariak, Udaberri dantza taldeko fanfarrea, Muthiko Alaiak abesbatza, Rautere Ballet taldea eta Allaitz eta Mattie izango dira.
Iaz, eskualdeko zenbait herritan jarritako aulki erraldoiak zeresana eman zuen, eta gerora, kultur ekitaldi ugari egin ziren, Aralar mendilerroaren bi aldeak lotu asmoz. 2016an ekin zioten proiektuari eta jarraipena emango diote orain; hortaz, beste zenbait jarduera ere egingo dituzte abuztuan eta irailean.
Azken Muga taldearen, Iruñeko Mutiko Alaiak elkartearen eta Baigorriko Gaiteroen helburua da basoko erakusketa eta artista ugariren egonaldi tailerrak martxan jartzea.
Horrez gain, J. Elosegi, Lurita Siles eta Sorginkeriari buruzko hiru erakusketa antolatuko dituzte Zaratetxean.
Ostegunean izango da inaugurazio ekitaldia, Zaraten, 19:00etatik aurrera.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!