Gipuzkoako Booloo senegaldarren taldeak pintxo potea eskaini die herritarrei, gaur, Tolosako Errementari kalean duten lokalaren parean. Euren jakiez gain, dantzak eta musika izan dira protagonistak. "Gure helburua hemengoaz askatasunez disfrutatu ahal izatea da, gure sustraiak eta kultura ahaztu gabe", esan dute.
Booloo-k "taldea egin" esan nahi du wolof hizkuntzan. Eta horixe da Booloo elkarteko kideek egin nahi dutena; Gipuzkoan eta Euskal Herrian bizi diren senegaldarrak bildu nahi dituzte, euren kultura, sustraiak eta ohiturak ahaztu gabe. Horretarako pintxo pote senegaldarra eskaini dute, eta jatekoa bazegoen ere, inguruan bildu den jendearen ikusmira euren musikak erakarri du.
Elkarteko kideek esan dutenez, "bazterketaren kontra egin nahi dugu, kultur aniztasuna sustatu eta migratzaileen eskubideak defendatu nahi ditugu, elkarbizitza sustatuz, noski". Horretarako euren kultura eta ohiturak erakutsi nahi dizkiete hemengoei; kirolak, jantziak, gastronomia, musika eta dantzak, esaterako.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!