Kalera Kalera dinamikak Udako Kalera Martxa antolatu du uztailaren 20tik 27ra. Gernikatik Lakuntzarako bidea egingo dute preso, iheslari eta deportatuen eskubideen alde egiteko.
Martxak eskualdean ere egingo du geldialdia, izan ere uztailaren 26ko etapa Ibarran bukatuko da eta hurrengo egunean, Ibarratik Lakuntzarako bidea hartuko dute. Hori dela eta egun osoko festa antolatu dute eskualdean uztailaren 26rako. Hurrengo egunean Ibarran gosalduko dute eta Altsasura joateko autobusa hartuko dute.
Martxan izena emateko azken eguna astelehena, hilak 10, izango da eta horretarako ohiko tokietara jo behar da edo 634 00 77 12 telefono zenbakira deitu.
EGITARAUA
UZTAILAK 26
12:30. Villabonako Iru Aldetan egingo diote ongi etorria martxari.
14:00. Bazkaria Anoetan.
17:30. Tolosako Belaten Tolosa-Ibarra kalejira egingo dute.
19:30. 1977: Amnistiaren urtea 40 urte geroago liburuaren aurkezpena Ibarran.
21:00. Herri afaria Ibarran eta ondoren, La Jodederaren kontzertua.