Bihar hasiko da Ehunmilak lasterketa

Tolosaldeko Ataria 2017ko uzt. 6a, 13:59

Ostiralean hasiko da Ehunmilak proba, eta Ehunmilak lasterketaz gain, Goierriko Bi Handiak eta Marimurumendi maratoia ere abiatuko dira Beasaindik. Inoiz baino parte hartzaile gehiago izango dira aurten: 1.189. Feli Insaustik orain arteko edizio guztietan Amezketan ateratako argazkiak bildu ditugu.

Ehunmilak lasterketa larunbat goizaldean –2:00ak aldera– ailegatuko da eskualdera, Zelatunetik. Bertatik Tolosara jaitsiko dira eta Jazkue Gainera igoko dira gero. Handik, Amezketara joango dira eta Larraitzetik igaro ondoren, Txindoki mendirako bidea hartuko dute korrikalariek. Lehenengoek ostiraletik larunbatera bitarteko gauean egingo dute ibilaldi hori, baina larunbat egun osoan zehar ikusi ahal izango dira korrikalariak Tolosan eta Amezketan jarriko dituzten guneetan. 

Hamasei herrialdetako korrikalariek hartuko dute parte, eta 1.500 boluntario ibiliko dira lanean hiru lasterketak egin ahal izateko. 

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!