Aiztondo Zerbitzuen Mankomunitateak irteera antolatu du uztailaren 20rako Aduna, Alkiza, Larraul eta Zizurkilen bizi diren 60 urtetik gorako pertsonentzat. Arantzazu eta Mirandaola bisitatuko dituzte.
Goizean Arantzazura bisita gidatua egingo dute eta ondoren, meza entzun ostean, Arantzazuko hotelean bazkalduko dute. Segidan, arratsalde pasa Mirandaolara joango dira.
Irteeraren prezioa 30 eurokoa da eta uztailaren 13a da izen emateko azken eguna. 943 69 39 30 telefonora deituta. Autobusean egin beharko da ordainketa. Adunatik abiatuko da uztailaren 20an, 08:00etan eta ondoren, Zizurkil (08:15), Alkiza (08:30) eta Larrauldik (08:45) pasako da.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!