"Etxean ez neukan esana, baina duela bi urtetik nahiko garbi nuen 50 urterekin bukatzea. Zenbaki egokia dela uste dut. Gainera, oraindik ondo bilatzen naiz, eta horregatik uzteko arrazoi gehiago. Ia garaia etorri zait uzteko. Ez txapelketa eta torneoak bakarrik, plaza guztiak utziko ditut. Aurtengoa izango da nire azken urtea. Agur moduan marka bat utzi nahi dut; marka nahiko potentea ari naiz prestatzen. Udako konpromisoak egin ondoren, iraila edo urria aldean izango da, Zarautzen. Horrekin bukatuko da nire karrera. Hori izango da nire azken eguna". Hauexek izan dira Izeta II.aren hitzak, Ataria Irratiko Herri Kiroletatik saioan.