Goizean Abastosen egindako batzarrean, orain arteko ekimenak eta aurrera begirako asmoen berri eman du Tolosaldeko bertsozaleen elkarguneak. Ondoren bertso-poteoa egin dute eta eguerdian Iurre elkartean bildu dira bazkaltzeko.
2016-2017 ikasturtean zehar, sustapenean, transmisioan eta bilketa eta ikerkuntza arloan egin diren ekintzen berri eman dute urteroko batzarrean eta datorren ikasturteari begira atal horietan egin nahi dituztenak iragarri dituzte. Barne antolaketari dagokionez asmo berriak ditu Harituz elkarguneak eta horren inguruko azalpenak eman dituzte goizeko bileran.
Bertso poteo irekia izan da ondoren, kantatu nahi duenak izena zaku batean sartu eta tabernaz taberna ateratzen joan dira.
Bukatzeko, Iurre elkartean bildu dira bazkaritarako.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
