Formakuntza ikastaroetan izena eman dezakete zaintza lanean ari diren eta prestazioa jasotzen dutenak. Modu hurbilean azalduko dira, beteak beste, norberaren zaintza, zainketaren antolaketa, lege eta etikari lotutakoak, lehen sorospena, mendekoarekin nola maneiatu, egoera zailei nola aurre egin, lasaitzen ikasi...
Bi udaletako gizarte zerbitzuek Matia fundazioarekin batera, autolaguntza talde bat dute, esperientziak konpartitu, zaintzaileek duten zama arindu eta egoera berdinean daudenekin konpartitu ahal izateko. Laguntza psikologikoa behar izanez gero bakarkako saioak ere antolatzen dira eta oraingoa bezalako formakuntza saioak antolatzen dituzte.