Iñaki Artolak Oinatz Bengoetxearen aurka jokatzeakoa zen ekainaren 10ean, Beasainen. Baina leitzarrak buruz-buruko txapela irabazi ondoren, atseden ematea erabaki du enpresak, eta bere lekuan Olaizola II.a jarri dute. Goizuetarra hurrengo kanporaketan sartzekoa zen, baina aldaketa honekin, Bengoetxea VI.a izango da final laurdenetan sartuko dena.
Asteburuan hasi zen Lau t’erdiko San Fermin Txapelketa, eta alegiarrak Lasoren aurka jokatu zuen Iruñeko Labrit pilotalekuan, 22-15 irabaziz.
Alegiatik gertu, Ugarten, pilota partidak izan ziren asteburuan; II. Paxaka Txapelketako finalak jokatu baitziren. Lau maila desberdinetan lehiatu ziren.
Zizurkil, bakarrik
Gipuzkoako Herriarteko Esku Pilota Txapelketan Zizurkil bakarrik geratu da. Eskualdeko beste ordezkari guztiak kanporatuak izan ziren final zortzirenetan: Tolosa, Asteasu, Aduna eta Altzo. Azken hauek zizurkildaren aurka galdu ondoren. Final laurdenetan, eskualdeko ordezkariek Hernani izango dute aurkari. Joaneko partidak asteburu honetan izango dira, eta itzulerakoak hurrengoan.