Muskerraren bidera erakusten duen mugikorretarako aplikazioa aurkeztu dute Asteasun eta horrekin batera igandean, maiatzaren 21ean, egingo duten Muskerraren eguna. Bernardo Atxaga bere jaioterrian izango da azalpenak ematen eta horrekin batera I. Iturri bueltako apustua egiteko asmo dute. Azalpen horiek jaso ditugu gure Hamaiketakoan eta bide batez, Larraulen gaur bertan hasiko duten kirol astea izan dugu hizpide Cristian Pizarro zinegotziarekin. Larunbatean, Zizurkilen ospatuko den Erdi Aroko festa handiaren barruan izango diren joko eta jolasak aipatu dizkigu Mikel Egibar herritarrak. Ez dugu ahaztu, gaur San Isidro eguna dela eta beraz, festa dutela Amasan, Zizurkil Goian eta Asteasun.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!