Gipuzkoako Batel Liga eta Txapelketa jokatu ondoren, batel denboraldiaren egutengian, hurrengo hitzordua Euskadiko Txapelketak markatzen zuten. Eguraldia lagun, igandean jokatu ziren estropadak. TAK-eko infatil eta jubenil neskek euren estropadak irabazi zituzten, bi bandera horiek eskualdera ekarriz. Garaipen horiez gain, kadete neskek podium-eko bigarren postua lortu zuten. Emaitza horiekin argi geratzen da, egun, nesketan Euskal Herriko harrobirik indartsuena duela TAK-ek.
Batel denboraldia ez da amaitu, Espainiako Txapelketak jokatzeko baitaude oraindik. Ziurrenik, gainera, Sestaoko uretan jokatuko dira txapelketa horiek.