Zuberoan maskaradak jokatzen ari dira udaberri buelta honetan, apirilaren 30a arte. Aurten, Pettarra eskualdeko zenbait herrietako gazteek emango dituzte.
Aurten, nobedade gisa, zuberotarrak hegoaldera etorriko dira beraien sasoia bukatu eta astebetera. Bi eguneko egitaraua prestatu dute.
Maiatzaren 6an, arratsaldeko 18:00etan ongi etorria egingo zaie zuberotarrei Asteasuko plazan. Ondoren zintzur bustitze animatua. Ilunabarrean, 20:00etan afari herrikoia egingo da Asteasuko Usarrabi frontoian.
Hurrengo egunean jokatuko dira maskaradak, maiatzaren 7an. Goizean zehar, barrikadak egingo dira herriz herri. 10:00etan Asteasun, 11:00etan Alkizan, 12:00etan Adunan eta 13:00etan Zizurkil Goian.
Ondoren, 14:00etan bazkari herrikoia egingo da frontoian eta 16:30ean maskarada jokoak egingo dira Larraulgo plazan.
Larunbateko afari eta igandeko bazkarirako txartelak salgai dira eskualdeko ostatuetan maiatzaren 3ra arte. Egun horretan entsegu orokorra egingo da Asteasuko Usarrabi kiroldegian.