Gure Esku Dago-k gaurko galdeketen inguruko parte hartze datuak eman ditu, 17:30ean. 39.639 herritar daude deituta gaur botoa emateko eta horietatik 9.979k eman dute botoa 17:30rako, %25,17.
Herri handienetan doa parte hartzea motelenen (Tolosan %20,68, Zizurkilen %20,41, Ibarran %21,56) eta %22aren bueltan egon dira baita ere herri txikiagoak: Berastegi, Hernialde edota Irura.
Baliarrainen, berriz, 17:30rako deitutakoen %69ak emana zuen botoa eta Orendainen berriz, %67,09ak. Abaltzisketa (%54,07) eta Orexa (%61,05) izan dira %50eko langa gainditu duten eskualdeko beste bi herriak.
20:00etan itxiko dira hautetsontziak.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!