Otsailaren 3an eman zitzaion hasiera Gipuzkoako Herriarteko Bertsolari txapelketari. 38 taldek abiatu zuten bidea eta lehen fasea amaituta, dozena batek bakarrik egingo du aurrera. Hamabi talde horien artean daude eskualdek lauak: Am...ona (Amasa-Villabona), Karidadeko Benta (Asteasu-Zizurkil), 26 + (Amezketa-Abaltzisketa-Berastegi-Anoeta) eta Zazpi astoren gainean (Alegia).
Bigarren fasea martxoaren 23tik apirilaren 9ra jokatuko da. Aurreko fasetik sailkatu diren 12 taldeak lau multzotan banatuko dira, hirunaka. Multzo bakoitzetik bat sailkatuko da finalaurrekoetarako. Maiatzaren 6an eta maiatzaren 13an izango dira finalaurrekoak, lehenengoa Alegian, eta bigarrena, berriz, Bergaran. Bakoitzean bi talde ariko dira lanean eta bi onenek jokatuko dute finala, maiatzaren 27an Azpeitiko Izarraitz pilotalekuan.
Bigarren itzulira, salto
Am...ona eta Karidadeko Benta taldeek lehen itzuliko bigarren kanporaketa izan zuten pasa den astean. Am...onak Hernani 2 ren aurka jokatu zuen, eta garaipena lortu zuen. Karidadeko Bentak, aldiz, Oñatiko Txinparta 2 ren aurka egin zuen saioa; 7-17 irabazi zuen.
BIGARREN FASEA
1. multzoa:
Karidadeko Benta. Asteasu-Zizurkil
Ereñotzu. Hernani
Txinparta 1. Oñati
2. multzoa
Zazpi astoren gainean. Alegia.
Xenpelar B.E. Errenteria
Erniarraitz 1. Azpeitia.
4. multzoa
Am...ona. Amasa-Villabona
26 +. Anoeta-Abaltzisketa-Amezketa-Berastegi
Txingudi 2. Irun