Torrelles de Llobregat eta Xixonako dantzariak Tolosan

Tolosan Udaberri dantza taldearekin elkartrukeak egindakoak dira Herrialde Katalanetako Torrelles de Llobregat herriko Esbart Sant Martí de l´Ateneu Torrellenc taldea eta  Xixonako Grup de Danses. Asteburu honetan gure artean izan dira eta emanaldia eskaini dute Triangulon.

Tolosako dantzariei haien ohiturak erakutsi dizkieten bezala, asteburu honetan Tolosa eta inguruak ezagutzeko aukera izango dute Herrialde Katalanetako dantzariek.

Gaur Tolosako kultur etxetik, Torrelles de Llobregateko haurren eta Udaberri dantza taldeko ikastaroetako gaztetxoek kalejira egin dute Tolosako Alde Zaharrean barrena. Ondoren kalejira egin dutenek emanaldia eskaini dute Trianguloa plazan.

Haien atzetik, Xixonako eta Torrelles de Llobregateko helduen txanda izan da eta hauek ere kalejira amaituta emanaldia eskaini dute plazan.